Në Konferencën e Bankës Botërore në Kosovë për punësimin e të rinjve, Liridona Berisha, foli për sukseset e Byrosë Edukative GlobalGirl Media Kosova, tregoi më shumë për mundësitë për praktikë, të cilat ofrohen nga kjo byro, shkathtësitë dhe përvojën e fituar në kuadër të saj, sukseset dhe punën e përgjithshme të byrosë.
Qëllimi i kësaj konference ishte të diskutohen iniciativat dhe hulumtimet e kohëve të fundit nga një gamë e gjerë e palëve të interesit, çka mund të ndihmojë në përcaktimin e prioriteteve të politikave dhe iniciativave
të ardhshme për rritjen e punësimit të të rinjve në Kosovë.
Panelistët diskutuan për mënyrat se si mund të forcohet bashkëpunimi mes universiteteve dhe bizneseve për përfshirjen e studentëve në punë praktike, sfidat dhe sukseset e arritura në këtë fushë.
