Ministrja e Kulturës Rinisë dhe Sportit, Vlora Dumoshi ka falënderuar këngetarin, teks shkruesin e mirënjohur kosovar, Armend Rexhepagiqin për koncertin e ditës së diel në ekranin televiziv e titulluar ‘Edhe një herë’.
Kënga e Armendit është pjesë fondamentale e rinisë, kohës, gëzimit, humbjes dhe dashurisë dhe se nga ekrani televiziv ishim në frekuencë me ty, do kalosh nga brezi në brez dhe si “mysafir i paftuar” do të zbulojë bota se kush je, ka thënë Dumoshi në postimin e saj në Facebook.
“Armend, EDHE NJË HERË është titulli por shumë herë do t’a kuptosh mrekullinë që na ringrite në këmbë “faleminderit” qindra herë.
Kënga juaj është pjesë fondamentale e rinisë, kohës, gëzimit, humbjës dhe dashurisë.
Zëri yt thumbon tek kapitulli më i gjatë mbijetesës dhe mirënjohjes.
Miku im Armend,
Nga ekrani televiziv ishim në frekuencë me ty, do kalosh nga brezi në brez dhe si “mysafir i paftuar” do të zbuloj bota se kush je.
