KosovaLive ka kënaqësinë t’ju ftoj në punëtorinë për qasjen në dokumente publike.
Si pjesëmarrës të punëtorisë ju do të fitoni aftësi praktike që do t’ju ndihmojnë që të mësoni më shumë rreth qasjes në dokumente publike gjatë hulumtimeve tuaja.
Kërkesa për qasje në dokumente publike është një ndër mjetet kyçe që mund të përdoren në gazetarinë hulumtuese. Në këtë trajnim interaktiv do të mësoni lidhur me të gjitha elementet e procesit të kërkesës për qasje në dokumente publike, përgatitjen e kërkesave duke maksimizuar shanset për aprovimin e kërkesës dhe për mënyrat e veprimit në rast të injorimit apo refuzimit të vazhdueshëm e të paarsyeshëm të kërkesave nga institucionet.
Punëtoria do të mbahet në gjuhën shqipe dhe numri i pjesëmarrësve është i limituar për shkak të situatës me virusin COVID-19.
Aplikimi është i hapur për të gjithë gazetarët, studentët e gazetarisë dhe fushave të ngjashme.
Ju ftojmë të aplikoni përmes vegzës në vazhdim: https://forms.gle/ZmXhXtcxpqbcGqndA
Projekti “Forcimi i Mediave të Pavarura dhe Promovimi i Sigurisë së Gazetarëve në Kosovë” financohet nga Ministria e Punëve të Jashtme, Komonuelthit dhe Zhvillimit të Mbretërisë së Bashkuar përmes Ambasadës Britanike në Prishtinë dhe Albany Associates.
