Dy Ditë të Mbushura me Energji, Mësim dhe Bashkëpunim me të Rinjtë në Kamenicë
Në kuadër të projektit “Safeline: Kamenica – Sarajevo: Digital Safety and Mental Health in Youth”, u organizua një trajnim dy-ditor që mblodhi të rinj nga Kamenica dhe komuna të tjera, me synimin për të forcuar njohuritë dhe aftësitë e tyre në fushat e sigurisë digjitale dhe shëndetit mendor.
Dita e parë e trajnimit iu kushtua temës së sigurisë digjitale dhe u udhëhoq nga eksperti Veton Xhelili. Gjatë sesioneve, pjesëmarrësit patën mundësinë të eksplorojnë rreziqet që paraqiten në hapësirën online, të mësojnë mbi mbrojtjen e të dhënave personale dhe të njihen me praktika konkrete për një përdorim më të sigurt dhe më të përgjegjshëm të teknologjisë.
Ndërkaq, dita e dytë u fokusua në shëndetin mendor, duke krijuar një hapësirë të sigurt dhe mbështetëse për diskutim, reflektim dhe ndarje përvojash lidhur me mirëqenien emocionale. Ky sesion u udhëhoq nga psikologia Fjolla Ramadani, e cila inkurajoi pjesëmarrësit të flasin hapur për sfidat dhe rëndësinë e kujdesit ndaj shëndetit mendor.Punëtoria u karakterizua nga një qasje interaktive dhe gjithëpërfshirëse, duke kombinuar ushtrime praktike, diskutime në grup dhe angazhim aktiv të të rinjve. Kjo e bëri përvojën jo vetëm edukative, por edhe frymëzuese dhe të vlefshme për zhvillimin personal të secilit pjesëmarrës.
Përmes aktiviteteve të tilla, projekti synon të kontribuojë në fuqizimin e të rinjve për të ndërtuar një mjedis më të sigurt digjital, si dhe për të promovuar mirëqenien mendore dhe sociale në komunitetet e tyre.
