Në Xhaminë e Madhe “Sulltan Mehmet Fatih”, në Prishtinë është bërë falja e namazit të Fitër Bajramit, ku për shkak të pandemisë është hequr dorë nga manifestimi traditcional, duke u kryer kështu vetëm falja e namazit të Bajramit.
Kryetari i Bashkësisë Islame të Kosovës, Myftiu, Naim ef. Tërnava theksoi se kjo festë e Fitër Bajramit vije pas një sakrifice të lartë të besimtarëve, ku për një muaj madhëruan zotin në mënyra të ndryshme.
Myftiu i Kosovës, po ashtu kërkoi nga gjithë qytetarët e vendit që në festën e Fitër Bajramit të jenë të kujdesshëm për shkak të rrezikut të Covid-19.
Festa e Fitër Bajramit për besimtarët mysliman vije pas agjërimit të muajit të Ramazanit si dhe ibadeteve të shumta që besimtarët kryejnë në këtë muaj, thuhet në faqen zyrtare të BIK-ut.
