Gjatë ditës së sotme, në zyrën qëndrore të KRU” Prishtina” u mbajt takimi me kompanitë hungareze- Water Scope dhe Budapest Waterworks, takimi ishte “kick-off” meeting.
Menaxhmenti i KRU “Prishtina” ka arritur të sigurojë një donacion/grant, për reduktimin e Humbjeve dhe Efiçiencës së energjisë me kompani profesionale nga Republika e Hungarisë.
Falë bashkëpunimit kolegial në sektor është arritur që të sigurohet një fond i tillë nga menaxhmenti – respektivisht nga drejtoria teknike e KRU” Prishtina” sh.a.
Takimi fillestar ishte i shkëlqyeshëm dhe frytdhënës, me ç’rast do të punohet për dy ditë radhazi bashkërisht, për një analizë të mirëfilltë të gjendjes.
“Faleminderit Republikës së Hungarisë, që mbështetja juaj për sektorin e ujit nuk ka munguar asnjëherë”, thuhet në komunikatën për media e KRU “Prishtina”.
