Ministri i Mbrojtjes, Armend Mehaj, bashkë me komandantin e FSK-së, gjenerallejtnant Bashkim Jashari, morën pjesë në takimin e dhjetë të Grupit të Kontaktit për Ukrainën, i thirrur nga Sekretari i Mbrojtjes së SHBA Lloyd J.Austin III.
Ne do të qëndrojmë të palëkundur në mbështetje të Ukrainës krah për krah me partnerët tanë. Vlerësojmë lartë qëndresën e qeverisë dhe popullit ukrainas si dhe rezistencën e tyre për liri, drejtësi dhe vetëvendosje, ka thënë Mehaj.
Republika e Kosovës ishte pjesëmarrëse e barabartë mes 54 vendeve aleate të cilat mbështesin fuqishëm Ukrainën dhe popullin e saj në të drejtën e tyre për të mbrojtur vendin dhe shtetin, thuhet në postimin e Ministrisë së Mbrojtjes.
