Ka filluar edicioni i dytë i Panairit Ndërkombëtar të Turizmit Kosova 2023 në Prishtinë i cili do të mbahet me 16-18 mars në Sallën 1 Tetori.
Ky është panairi më i madh i turizmit në vend, ku pjesëmarrës janë mbi 200 kompani vendore dhe të huaja.
Panairi ngjalli interesim të madh ku pati numër të madh të vizitorëve.
Kryetari i Komunës, Përparim Rama ka thënë se ky panair është një mundësi e mirë për të paraqitur kulturën, kulinarinë, atraksionet dhe mikpritjen tonë unike.
“Ky panair le të shërbejë si një platformë për tërheqjen e vizitorëve të rinj, promovimin e bizneseve lokale dhe për të krijuar bashkëpunime të reja”, ka thënë Rama.
Prania e Presidente së Republikës së Kosovës, Vjosa Osmani – Sadriu, kryetarit të Komunës së Prishtinës, Pëparim Rama, zëvendëskryeministrës, Emilia Rexhepi, ministres së Industrisë, Ndërmarrësisë dhe Tregtisë, Rozeta Hajdari dhe ambasadorëve nga vende të ndryshme në Kosovë e bënë vërtetë madhështore ditën e parë të Panairit Ndërkombëtar të Turizmit Kosova 2023, thuhet në postimin në Facebook të Unionit të Turizmit të Kosovës.
