Federata e Xhudos së Kosovës bën të ditur se xhudistja Nora Gjakova ka arritur në finale të Grand Slamit që po mbahet në Tbilisi të Gjeorgjisë.
Wazaari i Nora Gjakovës në çerekfinale kundër gjermanes Pauline Starke, në Grand Slam Tbilisi.
Ajo në raundin e parë ishte e lirë, në raundin e dytë mposhti me Ippon garuesen nga Guinea Mariana Esteves, në raundin e tretë ajo mposhti me Wazaari mongolezen, Ichinkhorloo Munkhtsedev.
Në gjysëmfinale Kampionia Olimpike mposhti me tri dënime për Ippon në vazhdime, garuesen nga Kanada, Kampionën Botërore të vitit 2021 Jessica Klimkait.
Nora në finale do të ndeshet kundër serbes, Marica Perisic,
Kurse Ipponi i Distria Krasniqit në sekondat e fundit në gjysëmfinale kundër gjermanes Mascha Ballhaus, në Grand Slam Tbilisi.
Ajo në raundin e parë ishte e lirë, në raundin e dytë mposhti me Ippon garuesen nga Afrika jugore Charne Griesel, në çerekfinale mposhti prapë me Ippon gjermanen Amber Ryheul.
Në finale Kampionia jonë Olimpike takohet me garuesen nga Uzbekistani, Diyora Keldiyorova, thuhet në postimin në Facebook të Kosova Judo Federation.
