Ministria e Kulturës, Rinisë dhe Sportit ka njoftuar se Kampionati Evropian i Xhudos për herë të parë do të mbahet në Kosovë.
Pas sukseseve të jashtëzakonshme të xhudistëve tanë në garat ndërkombëtare, ata dhe xhudistë nga gjithë Evropa do të kemi mundësi ti shohim duke u ndeshur në Kosovë.
Në kuadër të programit “Kosova, shtet i xhudos”, për herë të parë në vendin tonë do të mbahet Kampionati Evropian i Xhudos (European Championships Open) me 16 dhjetor 2023.
Kjo garë ndërkombëtare organizohet nga Kosova Judo Federation dhe përkrahet nga MKRS dhe Federata Evropiane e Xhudos, thuhet në postimin në Facebook të MKRS-së.
