Kori i Filharmonisë së Kosovës, pas Prishtinës do të prezantohet edhe në Pejë, me dirigjent Memli Kelmendi.
Pas “Quo Vadis”, një konferencë ndërkombëtare e fuqizuar nga Choral Space në bashkëpunim me Korin Siparantum e cila grumbullon profesionistë të skenës muzikore korale nga anë e mbanë bota, koncerti i Korit të Filharmonisë së Kosovës do të mbahet në kishën katolike “Shën Katerina”.
Repertori ngërthen në vete veprat e kompozitorëve të njohur si Eric Whitacre, Frank Ticheli, Johann S. Bach, John Williams, Baki Jashari dhe shumë të tjerë.
Për të gjithë të interesuarit hyrja është falas, thuhet në postimin në Facebook të MKRS-së.
