Ministri i Mbrojtjes, Ejup Maqedonci ka njoftuar se si urim në ditëlindjen e tij, kanë nderuar te shtatorja e Zahir Pajazitit në sheshin që mban emrin e tij në qendër të Prishtinës.
Maqedonci në postimin e tij në Facebook ka thënë se data 1 nëntor është ditëlindja e Zahir Pajazitit, shpirtit të guerilës shqiptare për çlirimin e Kosovës.
Zahiri ka lindur në ditën e parë të nëntorit të vitit 1962, në Turuqicë të Gollakut, por me veprën e tij patriotike ai u bë i gjithë hapësirës shqiptare.
U lind në Gollak dhe u rrit mes traditave të Llapit. U shkollua në Vushtrri dhe në Prishtinë, ndërsa u stërvit dhe u strehua në Tiranë. Mbajti lidhje e kontakte me Drenicë e Dukagjin, kurse u shoqërua me shokë edhe nga Pollogu.
Organizoi dhe kreu aksione në çdo zonë të Kosovës, sepse ai besonte që lufta për çlirim duhej të shtrihej në tërë Kosovë.
.
Për të, Zahir Pajazitin, heroin e Kosovës, Lavdi!
