Nga njësia policore e Stacionit policor në Podujevë, janë arrestuar tre persona të dyshuar për rastin “Vrasje në Tentativë”.
Ngjarja ka ndodhur në rrugën “19 Qershori” në Podujevë , me ç’ rast, viktima kishte pësuar lëndime trupore nga një mjet i mprehtë që dyshohet të jetë përdorur nga të dyshuarit e përfshirë në rast.
Ndërkohë që kanë vazhduar veprimet hetimore të policisë, janë identifikuar dhe arrestuar të dyshuarit;
– J. P, mashkull, 17 vjeç, shtetas i Republikës së Kosovës,
– A. Z, mashkull, 17 vjeç, shtetas i Republikës së Kosovës,
– A. B, mashkull, 17 vjeç, shtetas i Republikës së Kosovës.
Pas arrestimit, me aktvendim mbi ndalimin e personit të dyshuar të nxjerrë nga ana e prokurorit të shtetit, të njëjtit janë dërguar në qendrën e mbajtjes dhe ndaj tyre është iniciuar hetim për veprën penale ”Vrasje në Tentativë”, thuhet në postimin në Facebook të PK-së.
