Ministria e Kulurës, Rinisë dhe Sportit ka bërë të ditur se me performancën e mrekullueshme të pianistes se re nga Shtetet e Bashkuara të Amerikës Avery Gagliano, është mbyllur edicioni i 13-të i festivalit “Chopin PianoFest Prishtina”.
Edhe këtë vit, si çdo herë tjetër, festivali që ka për qëllim promovimin e muzikës klasike, ofroi program shumë të pasur për publikun. Në skenën e Chopin PianoFEST-it përveq artistëve vendorë të afirmuar, performuan instrumentistë të mirënjohur ndërkombëtar. Po ashtu u mbajtën aktivitete edukative, ligjerata e masterklasa për nxënës e studentë.
Në mbrëmjen përmbyllëse morrën pjesë ministri i Kulturës, Hajrulla Çeku, kryetari i Prishtinës, Përparim Rama, zv/ambasadorja e SHBA në Kosovë, Alyson Grunder, artistë e artdashës, thuhet në postimin në Facebook të MKRS-së.
