Përfaqësuesi i lartë i BE-së Josep Borrell ka njoftuar se Kosova dhe Serbia kanë arritur marrëveshje për targat.
Borell në postimin e tij në Twiiter ka thënë se kryenegociatorët e Kosovës dhe Serbisë nën lehtësimin e BE-së kanë rënë dakord për masat për të shmangur përshkallëzimin e mëtejshëm dhe për t’u përqëndruar plotësisht në propozimin për normalizimin e marrëdhënieve të tyre.
Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve.
Unë do t’i ftoj palët në ditët në vijim për të diskutuar hapat e ardhshëm. E falënderoj EUSR-në, MiroslavLajcak dhe palët për punën e palodhur.
