Ministri i Mbrojtjes, Armend Mehaj ka njoftuar se Qeveria e Republikës së Kosovës fuqizon edhe më tej rolin e diplomacisë sonë të mbrojtjes.
Sot në mbledhjen e 109-të të Qeverisë, ndër vendimet tjera u miratuar edhe Rregullorja për atashetë e mbrojtjes.
Mehaj në postimin e tij në Facebook ka thënë se kjo rregullore është hartuar mbi bazën e objektivave të Ministrisë së Mbrojtjes dhe Ligjit për Shërbim në Forcën e Sigurisë së Kosovës, si dhe në përputhje me procedurat e parapara me Rregulloren e Punës së Qeverisë së Republikës së Kosovës dhe legjislacionin përkatës.
Aprovimi i kësaj Rregulloreje i hapë rrugë zbatimit të procedurave për: statusin, detyrat, procesin e përzgjedhjes, kohëzgjatjen e mandatit, pranim-dorëzimin e detyrës, pagat dhe kompensimet tjera si dhe ndërprerjen e shërbimit të atasheut.
Vazhdojmë me suksese të reja!