Build Skills with our trainings

Sign up now!

Hoti: “Flaka e Janarit” është vlerë nacionale

Jan 21, 2021

Kryeministri në detyrë i Republikës së Kosovës, Avdullah Hoti gjatë vizitës së sotme në Gjilan, në kuadër të manifestimit tradicional “Flaka e Janarit”, është pritur në takim nga kryetari i kësaj komune, Lutfi Haziri i cili e ka falënderuar për mbështetjen që i ka dhënë komunës së Gjilanit.

Pas takimit, kryeministri Hoti e ka falënderuar kryetarin Haziri për ftesën për të qenë bashkë në kuadër të manifestimeve të “Flakës së Janarit”, që është bërë brend i kësaj komune dhe është vlerë nacionale që përcillet me interes në mbarë Kosovën.

“Ne jemi munduar si Qeveri me resurset që kemi, të mbështesim projekte në të gjithë sektorët, në të gjitha komunat pa përjashtim, por rezultatet që keni arritur në disa prej projekteve në veçanti, janë falë punës suaj, mënyra se si e menaxhoni këtë komunë me një devotshmëri dhe qasje integruese për mbarë regjionin”, tha kryeministri Hoti.

Hoti dha më shumë hollësi rreth Zyrës për Luginën e Preshevës e cila do të funksionojë në kuadër të Zyrës së Kryeministrit.

“Tanimë e kemi hartuar edhe një plan pune dhe janë shtri obligimet e të gjitha ministrive, institucioneve, për të mbështetur Luginën e Preshevës në arsim, shëndetësi, ekonomi, kulturë, rini e sport dhe në të gjitha aktivitetet pa përjashtim, për ta bërë atë pjesë organike të jetës kulturore, ekonomike dhe shpirtërore të mbarë Kosovës”, tha kryeministri Hoti.

Sivjet është edicioni i 30 i manifestimit tashmë tradicional “Flaka e Janarit”, që përbën trashëgiminë shpirtërore dhe shpreh respektin për heronjtë, dëshmorët, martirët dhe të gjithë që kanë dhënë për lirinë dhe pavarësinë e Kosovës.

PUBLIKIME

LAJME

THELLESISHT

DIALOG

Grantet e Prodhimit të Përmbajtjes II

Grantet e Prodhimit të Përmbajtjes II

Pesë aplikantë që paraqitën një aplikacion për “Grantet e Prodhimit të Përmbajtjes II”, Tv Tema, Internews, RTV Puls, Radio Gorazdevac dhe Besnik Krasniqi do të marrin mbështetje.

BARAZI

Womair: Informimi i grave dhe burrave për cilësinë e ajrit

Womair: Informimi i grave dhe burrave për cilësinë e ajrit

Më 19 nëntor, nga ora 10:00 deri në 12:00 në KosovaLive u mbajt ngjarja interaktive “Womair”, e cila kishte për qëllim informimin e djemve, vajzave, grave, burrave, çifteve dhe të gjithë të interesuarve, pa dallim, për mënyrat më efektive për përmirësimin e cilësisë së ajrit në hapësira të brendshme dhe të jashtme.

EDUKIM