Presidentja e Republikës së Kosovës, Vjosa Osmani ka pritur sot në takim kryetaren e Gjykatës Kushtetuese të Republikës së Kosovës, Gresa Caka- Nimani, të cilën e ka uruar për detyrën e re, duke i ofruar bashkëpunim ndërinstitucional.
Më tej, Osmani ka theksuar rolin e rëndësishëm të Gjykatës Kushtetuese në garantimin e kushtetutshmërisë si organ përfundimtar i interpretimit të Kushtetutës.
Ndërkaq kryetarja e Gjykatës Kushtetuese,Caka-Nimani ka theksuar se synon që të punojë në adresimin e sfidave me të cilat përballet Gjykata.
Sipas saj, bashkëpunimi me institucionin e Presidentit është i domosdoshëm në mbrojtjen e funksionimit demokratik të institucioneve, thuhet në komunikatën për media e Zyrës së Presidentes.
