Avokati i Popullit, Naim Qelaj mori pjesë të hënën në publikimin e raportit “Integrimi gjinor: një kornizë normative për punën e denjë dhe sigurinë e shëndetit në punë” e publikuar nga UN Women.
Raporti me rekomandime do të shërbejë për avokim të politikave që ka të bëjë me integrimin gjinor, dialogun social mes palëve të interesuara dhe do të promovojë perspektivë të punës së denjë për gratë dhe burrat.
Qelaj tha se mbrojtja e të drejtave në punë duhet të jetë në fokus të të gjitha institucioneve dhe duhen të fuqizohen mekanizmat për promovimin e ligjeve të cilat do të ndikonin në vetëdijesimin e punëtorëve për të drejtat e tyre, thuhet në postimin në Facebook të Institucionit të Avokatit të Popullit.
