Ministri i Mbrojtjes, Armend Mehaj ka bërë të ditur se ka filluar “Java 0” për rekrutët e rinj, të cilët duhet ta kalojnë me sukeses këtë test të fundit për t’u bërë Kadet të QSU-së.
Mehaj në postimin e tij në Facebook ka thënë se “Java 0” nënkupton që për rekrutët gjithçka fillon nga pika 0. Ata mësojnë që nga gjërat elementare deri tek disiplina, karakteri dhe lidershipi ushtarak, aty testohen edhe aftësite e tyre për punë ekipore.
Disiplinë ushtarake, trajnime, sfida, rregull, rend, orare strike, qëndrueshmëri fizike dhe psikologjike, të gjitha këto formojnë ushtarët tanë dhe i bëjnë ata të pathyeshëm në mbrojtje të atdheut.
