Presidentja e Kosovës, Vjosa Osmani bashkë me presidentin e Maqedonisë së Veriut, Stevo Pendarovski dhe presidentin e Republikës së Shqipërisë, Bajram Begaj, përuruan në Ambasadën e Kosovës në Shkup bustin e shenjtores Nënë Terezë, e cila është simbol i miqësisë ndërmjet popujve e shteteve.
Presidentja Osmani në postimin e saj në Facebook ka thënë se zemërgjerësia e Nënë Terezë tejkaloi fetë, kombet dhe statuset shoqërore, duke bashkuar njerëzit nën flamurin e dhembshurisë dhe humanizmit.
Ky bust është simbol kujtese jo vetëm i jetës së Nënë Terezës, por edhe i vlerave që ajo mbrojti – mirësisë, përulësisë dhe dashurisë për njerëzit.
