Në një hapsirë prej rreth 30 metra katrorë fëmijët me aftësi të kufizuara po gjejnë lumturi dhe përkrahje: shoqata Hendikos në Ferizaj ka hapur një biblotekë të pazakontë ku këta femijë mund të luajnë e të huazojnë lodra edukative e libra të ndryshëm.

Jehona dhe Agron Dabiqaj nga fshati Prilep, komuna Deçan, ka gati tre vite që kanë hyrë në treg me produkte të mjaltit. Ata jetojnë me të ardhurat e siguruara nga kjo punë. Edhe pse sivjet kushtet klimatike nuk kanë qenë në favor të bletëve, ata janë kujdesur që ta nxjerrin me kohë sasinë e mjaltit të prodhuar nga to.

Në vitin 2012 një iniciativë e revistës Kosovo 2.0 mëtoi t’i jap fund heshtjes së komunitetit LGBT, me botimin e një edicioni me temë seksin. Ky edicion ndër të tjera, trajtoi dhe problemet e komunitetit LGBT; problemet që i kanë për ta shprehur seksualitetin dhe dhunën me të cilën ata përballën. Për pasojë pati shumë mospajtime dhe pjesëtarët e komunitetit jo vetëm që u përballën me kërcënime të shumta por dhe u sulmuan fizikisht gjatë lancimit të revistës Kosovo 2.0 në Pallatin e Rinisë.

Sipas Agjencisë së Statisktikave të Kosovës (ASK), në Kosovë 10.7% e fëmijëve të moshës 5-17 janë të angazhuar në punë, kurse 6.8% e tyre punojnë në kushte të rrezikshme. Kurse në vitin 2014 në gjithë Kosovën, 206 fëmijë janë evidentuar nga Qendrat për Punë Sociale të jenë të përfshirë në punë të rënda.

Me zhvillimin e teknologjisë informative në Kosovë, po hetohet një rënie e interesimit për t’i vizituar bibliotekat tradicionale, kurse me procesin e bërjes së versionit “online” të librit, me digjitalizimin e bibliotekave parashihen edhe ndryshime.

Sevdije Zabeli, e cila ka jetuar në Rezallë deri para 13 viteve dhe është marrë me mjeljen e lopëve, prodhimet e qumështit, prej se është zhvendosur në qytet (Fushë Kosovë) nuk merret më me këto punë. Ajo tregon se jeta në fshat ka qenë më dinamike dhe se ka pasur më shumë angazhime përveç përkujdesjes për fëmijë dhe punëve të zakonshme të amvisërisë. Që nga zhvendosja në qytet, ajo iu kushton më shumë kohë fëmijëve dhe nuk ka angazhime tjera.

Krahas shumë ndryshimeve, në kryeqytetin tonë kanë ndryshuar edhe emrat e rrugëve. Këto ndryshime, sado të arsyeshme, po krijojnë vështirësi për banorët e kryeqytetit, jo vetëm se po u ngatërrohen emrat e adresat, por gjithsesi edhe nga fakti se një kohë të gjatë mund të jenë familjarizuar me emrat e vjetër.

Pavarësisht të gjitha problemeve që ekzistojnë, Diola Dosti Baftiu, ndryshe një femër e suksesshme nga Shqipëria, e cila tani jeton dhe punon në Kosovë, po mundohet të rrit vetëdijësimin tek qytetarët. Përmes faqes së saj ajo ka arritur të bind shumë njerëz me këshillat e saj të kenë kujdes me mënyrën e të ushqyerit. Ajo është shumë optimiste, madje thotë se ne kemi aq shumë mundësi për treg bio sa edhe vendet e tjera si Gjermani, Zvicra mund të furnizohen nga ne.

Sociologu Leutrim Sahiti, drejtori i Institutit për Hulumtime dhe Studime Sociologjike “Sociometri”, thotë se rastet e vetëvrasjeve të kryera nga femrat paraqiten më shumë për arsye të pozitës së tyre inferiore në shoqëri ose familje.

Tani adhuruesit e filmave do të kenë mundësinë të shohin filma të zhanreve të ndryshme në formatin 3D, që po mirëpritet sidomos nga rinia. Përveç filmave për të rritur do të ketë edhe filma për fëmijë, kryesisht gjatë fundjavëve, kur do të shfaqen edhe deri në 15 filma në termine të ndryshme, në gjashtë sallat me kapacitet prej rreth 1000 ulëseve.

Në moshën 16 vjeçare, Valmirën e kishin martuar. Në moshë të re e kishin martuar edhe nënën e saj, njësoj si nënën e nënës dhe të gjithë paraardhëset e tjera. Fatin e njëjtë e kanë edhe shumë vajza nga komuniteti i romëve, ashkalive dhe egjiptianëve. Ky komunitet vlerësohet se ka kushtet jetësore më të këqija në Kosovë.

Një varg shkeljesh të të drejtave në QKL kishte evidentuar edhe Koalicioni i OJQ-ve për Mbrojtjen e Fëmijëve (KOMF). Sipas zyrtarit ligjor të këtij koalicioni, Valdrin Dervishaj, ndër shkeljet e evidentuara ishin stërzgjatja e paraburgimit, praktika e shqiptimit të masave në kundërshtim me legjislacionin në fuqi, përdorimi i dhunës si mjet disiplinimi nga stafi korrektues në QKL, mbajtja e të miturve me masë edukative në institucion të tipit të mbyllur (shkelje kjo e të drejtave themelore), mungesa e programeve individuale që cenon rehabilitimin dhe reintegrimin e të miturve.