Wikipedia është enciklopedia më e madhe online, e punuar tërësisht nga njerëz të rëndomtë. Përmbajtja në Wikipedia na ngjyrosë dhe formëson botë kuptimin tonë. Por, ka një jobalancë shumë të madhe në Wikipedia, sikurse në shoqëri në përgjithësi.
Nëntëdhjetë përqind e atyre që kontribuojnë në Wikipedia janë meshkuj. Katër herë më shumë artikuj janë për meshkuj, sesa për femra (gra dhe vajza). Këto shifra variojnë nga rajoni në rajon, por fotografia është e qartë, informatat mbi femrat (gratë dhe vajzat) janë shumë më të mangëta sesa informatat për meshkujt. Ne duam ta ndryshojmë këtë.
#WikiGap është iniciativë nga Ambasadat suedeze dhe Wikimedia për mbledhjen e personave nëpër tërë botën me synim të rritjes së artikujve nga dhe për femrat (gratë dhe vajzat) në Wikipedia.
Në vitin 2017 “edit-a-thons” të ngjashme janë organizuar nga Ambasadat e Suedisë në New Delhi, Pretoria, Washington D.C. dhe ngjarjet e #WikiGap janë planifikuar në mbi 30 shtete të botës nga Suedia deri te Vietnami, Egjipti, Kolumbia dhe deri në Kosovë.
Politika Feministe e Jashtme e Suedisë përfshinë tri “R”-të për femrat (gratë dhe vajzat): Rights (Të Drejtat), Representation (Reprezentimi) dhe Resources (Resurset). #WikiGap hyn në pjesën e përmirësimit të reprezentimit dhe implementimin e politikës feministe të jashtme në praktikë.
Së bashku , ne jemi duke shkruar më shumë artikuj për femrat (gratë dhe vajzat) për të krijuar një internet më të barabartë.
A jeni të interesuar të kontribuoni në ndryshimin e peizazhit të botës në Wikipedia? Nëse po, ju lusim ta plotësoni formularin më poshtë.
Kush mund të aplikojë: Studentët e Universitetit, mosha 18+ nga e gjithë Kosova (Vajzat dhe Djemt).
Punëtoria do të mbahet me 7 (Ora:10:30-13:30) dhe 8 Mars (10:00-16:00) në zyret e KosovaLive në Prishtinë (Pallati i Shtypit, Media Aneksi II, Prishtina, Kosova, 38, 000)
Ju duhet të merrni pjesë në të dy ditët e punëtorisë. Transporti do të ju mbulohet pjesëmarrësve që jetojnë jashtë Prishtinës.
