Build Skills with our trainings

Sign up now!

Hoti: Brezovica do të kthehet në një qendër ndërkombëtare të skijimit

Jan 20, 2021

Kryeministri në detyrë i Republikës së Kosovës, Avdullah Hoti, ka vizituar sot Qendrën Rekreative Sportive në Brezovicë, ku ka takuar përfaqësuesit e Federatës Skitare të Kosovës dhe tre garuesit me grada Olimpike.

Në këtë vizitë, Hoti ka konfirmuar mbështetjen e parezervë të qeverisë për turizmin malor, duke theksuar se është kënaqësi të jesh në këto bjeshkë, të shohë plotë skitarë, vajza dhe djem bashkë me Federatën e Skitarëve.

“Kishim një bisedë të mirë me disa nga ta, për kushtet që janë këtu dhe për nevojën që ka kjo qendër për ta revitalizuar plotësisht dhe për ta kthyer në një qendër ndërkombëtare të skijimit”, tha kryeministri Hoti.

Më tej, Hoti, theksoi se Kosova ka hyrë me disa projekte të mëdha nga Marrëveshja e Uashingtonit, dhe pret që gjatë këtij viti të konkretizohet investimi në këtë qendër bashkë me investitorët amerikan në formë të partneritetit publiko-privat, ku Kosova merr përsipër investimet në infrastrukturë dhe investime tjera përcjellëse, derisa pjesa komerciale ndërtohet dhe mirëmbahet nga investitorët.

Po ashtu, kryeministri Hoti tha se, pret që për një periudhë të shkurtër kjo qendër të kthehet në një vend që vlon nga skitarët dhe me turizëm të zhvilluar në nivel ndërkombëtar.

Gjatë kësaj vizite në Qendrën Rekreative Sportive në Brezovicë, kryeministri Hoti ishte i shoqëruar nga ministrja e Kulturës, Rinisë dhe Sportit, Vlora Dumoshi dhe ministri i Infrastrukturës, Arban Abrashi.

PUBLIKIME

LAJME

THELLESISHT

DIALOG

Grantet e Prodhimit të Përmbajtjes II

Grantet e Prodhimit të Përmbajtjes II

Pesë aplikantë që paraqitën një aplikacion për “Grantet e Prodhimit të Përmbajtjes II”, Tv Tema, Internews, RTV Puls, Radio Gorazdevac dhe Besnik Krasniqi do të marrin mbështetje.

BARAZI

Womair: Informimi i grave dhe burrave për cilësinë e ajrit

Womair: Informimi i grave dhe burrave për cilësinë e ajrit

Më 19 nëntor, nga ora 10:00 deri në 12:00 në KosovaLive u mbajt ngjarja interaktive “Womair”, e cila kishte për qëllim informimin e djemve, vajzave, grave, burrave, çifteve dhe të gjithë të interesuarve, pa dallim, për mënyrat më efektive për përmirësimin e cilësisë së ajrit në hapësira të brendshme dhe të jashtme.

EDUKIM