Pas aksionit të Partisë Socialdemokrate (PSD) para Presidencës së Kosovës, të cilët kanë kanë akuzuar u.d. të presidentes, Vjosa Osmanin se e ka kthyer zyrën e presidentit në nëndegë të Vetëvendosjes dhe se veturat e presidencës janë bërë vetura të partisë, Zyra e Presidentit ka reaguar duke thënë se përgjegjësia që të ruhet integriteti i institucioneve shtetërore dhe drejtuesve të tyre është e të gjithëve, thuhet në komunikatën për media nga ZPRK-së.
U.d. Presidentja e Kosovës, dr. Vjosa Osmani sipas ligjit, obligohet të lëvizë me veturë të Policisë së Kosovës dhe nën mbrojtjen e saj 24 orëshe.
As Presidentja e as stafi i saj nuk përdorin vetura të Presidencës.
Të gjitha veturat e Presidencës, çdo ditë janë në parking, ndaj, pretendimet e PSD-së, janë të pavërteta dhe tendencioze.
Rivaliteti politik nuk duhet të përdoret për diskreditim të institucioneve të shtetit.
Përgjegjësia që të ruhet integriteti i institucioneve shtetërore dhe drejtuesve të tyre është e të gjithëve.
—
