Prokuroria Speciale e Republikës së Kosovës, njofton opinionin se ka ndaluar dy persona me inicialet A.K dhe S.M, për shkak të dyshimit se të njëjtit kanë kryer veprat penale “Keqpërdorimi i detyrës zyrtare gjatë zgjedhjeve”, nga neni 211 dhe “Dhënia apo marrja e ryshfetit në lidhje me votimin” nga neni 212 të KPRK-së.
Po ashtu, Prokurori i shtetit gjatë ditës së sotme do të parashtrojë kërkesë për caktimin e masës së paraburgimit për dy personat e lartcekur për shkak të dyshimit se të njëjtit kanë kryer veprat si më lartë.
Gjithashtu, Prokuroria Speciale është duke vazhduar hetimet lidhur me këtë rast, thuhet në faqen zyrtare të Prokurorisë Speciale të Republikës së Kosovës.
