Ministria e Mbrojtjes ka bërë të ditur se Kompania 1A e Regjimentit të Parë të Forcave Tokësore të FSK-së demonstroi profesionalizëm të lartë në ushtrimin fushor me qitje operacionale
Në kuadër të planit të ushtrimeve të njësive të FSK-së, sot pjesëtarët e FSK-së nga Regjimenti i Parë, Kompania 1A kanë realizuar ushtrimin fushor me qitje operacionale (LFX), të mbajtur në Babaj të Bokës. Ky demonstrimin final me skenar “Kompania në sulm”, u demonstrua me profesionalizëm të lartë.
Ushtrimi është realizuar në periudhën më se tri javore, ku gjatë kësaj periudhe është kryer qitje me municion real nga niveli ekip, skuadër, togë dhe kompani, duke përfshirë qitjen me të gjitha armët e këmbësorisë, kalibrat nga 5.56 mm deri në 40 mm.
Demonstrimin e përcjellin nga afër Shefi i Shtabit të FSK-së, gjeneral brigade Jeton Dreshaj, këshilltari ushtarak i Ministrit të Mbrojtjes, kolonel Hamdi Pollomi, zv. Komandanti i Komandës së Forcave Tokësore, kolonel Hysen Dreshaj si dhe oficerë dhe nënoficerë të tjerë të FSK-së, thuhet në postimin në Facebook të Ministrisë së Mbrojtjes.
