Ambasadori i SHBA-së, Philip Kosnett, sot ka takuar kryetarin e Lëvizjes Vetëvendosje, Albin Kurtin dhe ekipin e tij, për të diskutuar mbi përparësitë e përbashkëta SHBA – Kosovë.
Kosnett ka thënë se SHBA-të mbeten të përkushtuar ta ndihmojnë qeverinë e ardhshme të Kosovës dhe të sigurojë vendin e saj si e barabartë në arenën ndërkombëtare.
“Sot gjatë ditës takova Albin Kurtin dhe ekipin e tij, pjesë e një serie diskutimesh mbi përparësitë e përbashkëta SHBA – Kosovë. Ne mbetemi të përkushtuar për të ndihmuar qeverinë e ardhshme të ketë sukses dhe të sigurojë vendin e saj si një partner i barabartë në Evropë dhe brenda bashkësisë ndërkombëtare”.
“Diskutimi i sotëm u përqendrua në investimet e energjisë dhe diversifikimin, duke përfshirë opsione të qëndrueshme dhe të rinovueshme që do të ushqente rritjen e ardhshme ekonomike të Kosovës”, ka shkruar ambasadori i SHBA-së, Philip Kosnett në Twitter.
