Kryetari i LDK-së, Lumir Abdixhiku sot priti në takim ambasadorin e BE-së në Kosovë, Tomas Szunyog.
Abdixhiku e njoftoi ambasadorin Szunyog për procesin e sukseshshëm zgjedhor brenda LDK-së dhe qëndrimin rreth situatës aktuale politike në vend dhe formimit të institucioneve të Kosovës.
Po ashtu kryetari Abdixhiku shpalosi platformën e tij politike për zhvillimin ekonomik të Kosovës, sundimin e ligjit, integrimin e Kosovës në BE, liberalizimin e vizave dhe cështje të tjera me rëndësi për Kosovën dhe qytetarët e saj.
Ambasadori Szunyog e uroi kreun e LDK-së për detyrën e re dhe ofroi mbështetjen e tij si përfaqësues i BE-së për Kosovën, thuhet në komunikatën për media e LDK-së.
