Me rastin e marrjes së detyrës së kreut të qeverisë, Kryeministri i Republikës së Kosovës, Albin Kurti, ka pranuar letër urim nga kryeministrja e Bangladeshit, Sheikh Hasina.
Kryeministrja Sheikh Hasina është shprehur e bindur se marrëdhëniet e përzemërta midis Bangladeshit dhe Kosovës do të thellohen edhe më tej gjatë mandatit të kryeministrit Kurti, dhe se pret që të punojë ngushtë me kryeministrin, për forcimin e lidhjeve dypalëshe për të mirën reciproke të dy popujve.
Në letër urim, kryeministrja e Bangladeshit, Sheikh Hasina, i ka uruar popullit të Republikës së Kosovës paqe, progres dhe prosperitet të vazhdueshëm, thuhet në komunikatën për media e Zyrës së Kryeministrit.
