Ministria e Kulturës njofton se sonte (e mërkurë 12 tetor), Kori i Filharmonisë së Kosovës do të prezantohet me një program tejet të veçantë koral në drejtimin e një prej kompozitorëve e dirigjentëve më të njohur të kohës Ēriks Ešenvalds nga Letonia.
Ešenvalds është një prej kompozitorëve më të interpretuar në botë dhe inspirimin për disa prej veprave të tij e ka gjetur edhe tek muzika, kultura dhe tradita shqiptare.
“Legjenda për gruan e murosur” është prej veprave që do të mund ta dëgjoni në kuadër të këtij koncerti që njëherësh do të përmbyll edicionin e 5-të të “Pri Vocal Fest”.
Koncerti mbahet në kishën katolike “Shën Ndou” në Prishtinë prej orës 20:00, thuhet në postimin në Facebook të MKRS-së.
Rezervimet mund t’i bëni në faqen e Prishtina International Vocal Festival
