Ministria e Kulturës njofton se të hënën ka vdekur në moshën 76-vjeçare piktori Daut Berisha, me këtë rast ministri i Kulturës, Rinisë dhe Sportit, Hajrullah Çeku ka dërguar telegram ngushëllimi familjes Berisha, thuhet në postimin në Facebook të MKRS-së.
E nderuar familje Berisha,
Me dhimbje pranova lajmin për ndarjen nga jeta të piktorit Daut Berisha, një prej artistëve më të shquar të kohës sonë.
Berisha ishte personalitet i veçantë i kulturës dhe artit. Portretet që krijoi, të ekspozuara jo vetëm në vendlindje por edhe në galeritë më prestigjioze jashtë vendit, bëjnë që veprimtaria e tij e frytshme të zërë vend të veçantë në trashëgiminë e pasur të artit botëror.
Krijimtaria e tij do të kujtohet gjithmonë ndërsa do të frymëzojë breza të tjerë artistësh.
Ngushëllimet të sinqerta familjes, kolegëve dhe gjithë komunitetit artistik.
Me respekt,
Hajrulla Çeku
Ministër i Kulturës, Rinisë dhe Sportit
